Rreth Nesh
Rreth airē
Një hapësirë e krijuar për ata që duan të gjejnë një moment qetësie, komoditeti dhe shijeje unike, në zemër të Aeroportit Ndërkombëtar të Tiranës. Një stacion relaksi, ku çdo udhëtar, vizitor apo mik, mund të përjetojë një atmosferë të ngrohtë dhe mikpritëse, larg nxitimit të udhëtimeve.
Që në hapin e parë, Aire të fton me dizajnin modern dhe elegant, të frymëzuar nga ideja e një “oazi mbi re”. Çdo detaj, nga arredimi te muzika e butë, është menduar për t’ju ofruar një eksperiencë të këndshme dhe relaksuese, duke sjellë një ndalesë ndryshe në itinerarin tuaj.
Këtu, shija ka gjithmonë prioritet. Menytë tona ofrojnë produkte të freskëta, organike dhe të përzgjedhura me kujdes, duke i dhënë jetë përgatitjeve kreative dhe sezonale. Qoftë një kafe e shpejtë, një mëngjes i lehtë, një sallatë e freskët apo një pije freskuese, çdo përzgjedhje është një përvojë e re shijesh.
Aire është menduar për të gjithë: për udhëtarët që duan të kalojnë momente të qeta përpara fluturimit, për ata që sapo kanë mbërritur e kërkojnë një rikuperim të këndshëm, apo për këdo që dëshiron një ambient modern për një drekë apo një takim miqësor.
Në Aire, çdo vizitë kthehet në një kujtim të veçantë.
Këtu, je mbi re — në të gjitha kuptimet e fjalës.
